പരിഭവംതിങ്ങിയ അകകണ്ണില്‍ ഇരുട്ടിന്റെ കറുത്തകണ്ണട
കണ്ണീരുണങ്ങിയ കവിളില്‍
കുത്തികെടുത്തിയ സിഗററ്റുകുറ്റി
കുടിച്ചുതീര്‍ത്ത കുപ്പി
മിനുക്കിയൊരുക്കാത്ത മുഖത്ത്
അതിക്രമിച്ചു കടന്നവന്റെ കാല്‍പാടുകള്‍
നരിച്ചീറുകളുടെ തോരണം
അഗ്നിയൊഴിഞ്ഞ അടുപ്പില്‍
മൂഷികറാണിയുടെ സുഖപ്രസവം
ചിതല്‍തിന്ന ഉരല്‍
അരഞ്ഞലിയാന്‍ കൊതിച്ച അമ്മി
വീണ്പുണരാന്‍ വെമ്പി തട്ടിന്‍പുറം
പ്രാണഭയത്തോടെ പിന്തിരിയവെ
പിന്‍വിളി വിളിക്കുന്നു
പ്രണയത്തോടെ ചേര്‍ത്തമര്‍ത്തിയ
പടിഞ്ഞാറെമുറി
കിളിവാതില്‍
പാരിജാതം
നടുവകത്തെ നിലാവ്
നീണ്ടകഥ
തളത്തില്‍
അമ്മയുടെ സ്വാദ്
